Terra Bucolica – Территория сельской жизни

СКАЗАНО!

Антон АСТАПОВІЧ, старшыня Беларускага добраахвотнага таварыства аховы помнікаў гісторыі і культуры:

– Яшчэ ў 2011 годзе былі папаўзнавенні з боку Барысаўскага райвыканкама па выключэнню касцёла ў Зембіне з Дзяржспіса і “перспектыўнага” яго руйнавання. Своечасовая інфармацыя, якая была перададзена нашаму таварыству, дапамагла спыніць гэты працэс.

У захаваных дакументах па ініцыятывах нашага грамадскага аб'яднання па ўратаванню руін (дакументы перадаваліся ў выканкам) – прапаноўваліся рэальныя крокі, але з боку мясцовых уладаў нічога не было прадпрынята, акрамя паказушнага суботніка БРСМ у 2012-м годзе. Дарэчы, пасля яго мы з касцёла выграбалі пустыя піўныя пляшкі.

Цэлы шэраг талокаў, без усялякай падтрымкі мясцовых чыноўнікаў, было намі наладжана. Выканкам неяк нават забараніў тамтэйшай кафэшцы пакарміць нашых выланцёраў, хаця абеды былі загадзя замоўлены.

Нічога не робіцца з боку мясцовых улад і ў дачыненні будынка былой міквы, якая атрымала дзякуючы нам статус, а ў дадзены момант імкліва дэградуе. Так што выканкаму мясцоваму даўно – не да гісторыка-культурнай спадчыны. Мяркую, што каб не было ў раёне помнікаў, то для іх была б ідэальная сітуацыя.

(Цытата па допісе А. Астаповіча на яго старонцы ў FACEBOOK. Нагадаем, што нядаўна ў сацсетках і на сайтах прайшла сумная навіна, што абрынулася частка ўнікальнага касцёла ў Зембіне)

Крыніца фота: kyky.org